Friday, November 4, 2016

ചില പ്രവാസ ചിന്തകള്‍ !.


നാടും വീടും വിട്ടു പ്രവാസജീവിതം നയിക്കാന്‍ നാടുകടന്നവരാണ് നാം പ്രവാസികള്‍. ജീവിതത്തിന്‍റെ രണ്ടറ്റം കൂട്ടിമുട്ടിക്കാന്‍ നെട്ടോട്ടമോടുന്ന തിരക്കില്‍ കൂടെയുള്ളവരില്‍ പലരും നമ്മെ വിട്ടു പോയി.ദീര്‍ഘകാലം പ്രവാസം നയിച്ചിട്ടും കടവും കുറെ രോഗവുമായി ആര്‍ക്കും വേണ്ടാത്ത പ്രായത്തില്‍ പ്രവാസജീവിതമുപേക്ഷിച്ചു നാട്ടിലേക്ക് വിമാനം കയറുമ്പോള്‍ ഒഴിഞ്ഞ കീശയും ക്ഷയിച്ച ആരോഗ്യവും, രോഗം കവര്‍ന്ന വാര്‍ധക്യവും മാത്രമാണ് ഒരു ശരാശരി പ്രവാസിയുടെ സമ്പാദ്യം !!.
പത്തും ഇരുപതും വര്ഷം പ്രവാസത്തില്‍ തളച്ചജീവിതത്തിന്‍റെ നേട്ടം എന്ത് എന്ന് എല്ലാം കഴിഞ്ഞു ഉമ്മറകോലായില്‍ കാലും നീട്ടിയിരുന്നു ചിന്തിക്കുമ്പോള്‍ നഷ്ടങ്ങളുടെ ഓര്‍മ്മയല്ലാതെ  എന്തുണ്ട് പ്രവാസിക്ക്!.?