സൈക്കോ കൊറോണ

കൊറോണ മൂലം എന്നും ഇങ്ങിനെ സങ്കടപ്പെട്ടിട്ടു കാര്യമില്ലല്ലോ , 😀ആകെ മൊത്തം  റൂമിലിരുന്നു ബോറഡിടിച്ച് പണ്ടാരടങ്ങിയപ്പോഴാണ് എനിക്ക് അങ്ങാടിയിൽ കൂടിയൊന്ന് നടക്കണമെന്ന് തോന്നിയത് . ഡോറടച്ചു പുറത്തിറങ്ങി, ദാ കിടക്കുണു കറുത്ത പോലിസ്കാർ

" ഹാത് ഇകാമ ജീബ് പതിനായിരം റിയാല്‍ "

വെറുതെ ഒന്ന് വാച്ചിൽ നോക്കി ,കര്‍ഫ്യൂ സമയം കഴിഞ്ഞിരിക്കുന്നു 😌 ലാഹൌലാ


ചിലപാട്ടുകള്‍ അങ്ങിനെയാണ് 😄 നമുക്ക് ആവശ്യം വരുമ്പോള്‍ ഓര്‍മ്മ വരില്ല , പക്ഷെ എനിക്കപ്പോ വന്നു

"വന്നേലും വേഗത്തിൽ നിന്നെ നിന്നേലും വേഗത്തില്‍ പോയെ "
പൊന്നീച്ച പറക്കുന്നല്ലോ പേഴ്സിന്നുള്ളിൽ .🤣🤣

 പാടിയതാണോ അലറിയാതാണോ എന്ന് ഓര്‍മ്മയില്ല  ഓടി റൂമില്‍ കയറി .

മക്രോണ തിന്നു സഹ മുറിയന്‍ നല്ല ഉറക്കത്തിലാണെന്ന് തോന്നുന്നു .
‍
കൊറോണ വന്നതില്‍ പിന്നെ അവനു മക്രോണയോട് വല്ലാത്ത മുഹബ്ബത്താണ് 😬

 അല്ലങ്കിലും ഉറങ്ങി ക്ഷീണിച്ചിരിക്കുമ്പോള്‍ എങ്ങിനെയാ ഹെവി ഫുഡ് ഒക്കെ ഉണ്ടാക്കുക .ശോ ശിമ്പിള്‍ അവന്‍ അങ്ങിനെ അവിടെ കിടക്കട്ടെ

മുറിയില്‍ കയറി ഫോണെടുത്തു , ഇനിയിപ്പോ സൈബര്‍ തെരുവിലൂടെ നടക്കാം ,

മൊബൈലിനും ലോക് ഡൌണ്‍ ആണെന്ന് തോന്നുന്നു തെരു വെല്ലാം  വിജനമാണ് .

മുഖത്തു "അഡ്മിന്‍ എന്ന ഫ്ല്ക്സും" അടിച്ചു സോറി മാസ്കും ധരിച്ചു ഒരാളുണ്ട്, തെരുവുകള്‍ ക്ലീന്‍ ചെയ്യുന്നു :)

"എന്തു പറ്റി സഹോ ? ഒറ്റക്കാണല്ലോ, "
"ഒന്നും പറയണ്ട ബ്രോ കൊറോണയല്ലേ  മുഴുവന്‍ ചവറുകളും ഇവിടെ ഫോര്‍വേഡി  എല്ലാരും  പോയി കിടന്നുറങ്ങി ,
 ഞാനിതൊക്കെ ഒന്ന്‍ ക്ലീന്‍ ചെയ്യാണ്  ഗ്യാലറി ഫുള്‍ ആയി"

" കുപ്പയിലും മാണിക്യം ഉണ്ടാവും സഹോ,എല്ലാം ഒന്നു അരിച്ചു പെറുക്കിയേക്ക് , പറഞ്ഞ വാക്കും ഡിലീറ്റിയ മെസേ ജും പിന്നെ തിരകെ എടുക്കാനാവില്ല "

" പിടിച്ച്  ബ്ലോക്കാപ്പീസിക്ക് അയക്കണതിനു മുന്നേ താന്‍ ഒന്ന് പോയി തരാവോ, നാല് മണിക്കൂറിനുള്ളില്‍ ആയിരത്തിലധികം കൊറോണ മെസേജുകളാ വന്നത്  ഇവിടെ കൊണ്ടിട്ടവന്‍ തന്നെ ഇതൊക്കെ വായിക്കുന്നോ ആവോ ? "

" സഹോ പറഞ്ഞതിലും കാര്യമുണ്ട്. അല്ലേലും ഇതൊക്കെ വായിക്കാന്‍ ആര്‍ക്കാ സമയം ? എവ്ടുന്നോ കിട്ടുന്നു ഇവടെ കൊണ്ട് പോയി തള്ളനു .അത്രേ ഉള്ളൂ"

ഞാന്‍ മുന്നോട്ടു പോയി.
ഫാമിലി തറവാട് വീട് ഉച്ചമയക്കത്തിലാണ് എന്ന് തോന്നുന്നു. ആദ്യമായി ചായ ഉണ്ടാക്കിയ ത്രില്‍ ഫോട്ടോക്ക് ലൈക്കും കാത്തിരിക്കാണ് "കെട്ടുപ്രായം കഴിഞ്ഞു നിക്കണ പെങ്ങളെ ചെക്കന്‍ :)  ഒരു ഉഷാറായിക്കുന്നു ഇമോജിയുമിട്ട്  ഞാന്‍ പോന്നു,  ചേതമില്ലാത്ത ഒരു ഉപകരമല്ലേ , ഓന് പെണ്ണ് കെട്ടിയിട്ട് ഓന്റെ ഓളെ ഒന്ന് ഇമ്പ്രസ് ചെയ്യാലോ :)

സ്കൂൾ ഗ്രൂപ്പ് ഒക്കെ   ഇപ്പൊ സയലന്റ് ആണ് . കൊറോണ ലോക് ഡൗൺ  എഫ്ക്സ്റ്റ് സിണ്ട്രം അനുസരിച്ച് പഴയ ക്ലാസ് മേറ്റ്സുന്ദരികളൊക്കെ ഭാര്യമാരെ  സഹായിക്കണം എന്ന് മുഖ്യമന്ത്രി പറഞ്ഞതില്‍ പിന്നെ സരിതയെയും രജനിയെയും ‍ഫത്തിമയെയുമൊക്കെ ഗ്രൂപ്പില്‍ സഹായിക്കുന്നത് കെട്ടിയവൻ  മാരാണ് എന്ന് തോന്നുണു. പഴയ നൊസ്റ്റിിക്കൊന്നും അത്ര മധുരമില്ല  :)

" ഞാൻ പോവാണ് " ,
" പോവല്ലേടാ മൽസരമുണ്ട് ഇന്നത്തെ വിഷയം , സ്കൂൾ പ്രണയം, "

 സത്യായിട്ടും ഇത് ഫാത്തിമ ൻ്റെ പ്രേതം കൂടിയ കെട്ടിയോനാണ് അല്ലങ്കിൽ ഇങ്ങിനെ ഒരു  വിഷയം മത്സരത്തിന്    വെക്കൂേല

" മോഹിച്ച പെണ്ണിനെ കിട്ടിയില്ലങ്കിൽ കിട്ടിയ പെണ്ണിനേ സ്നേഹിക്കു എന്ന് എനിക്ക് ഓട്ടോ ഗ്രാഫിനൊപ്പം തേപ്പ് പെട്ടി സമ്മാനിച്ച എന്നോട് തന്നെ വേണോ ദാസാ ഈ കൊലച്ചതി ? ഞാൻ പോവാണ് "

കുറെ മുന്നോട്ടു പോയപ്പോഴാണ് അടുത്ത തെരുവിൽ ഭയങ്കര ബഹളം കേൾക്കുന്നത് .ഹാവൂ ഇവടെ കൂടാം ഇനി :)

അടി എന്നു വെച്ചാ എമ്മാതിരി അടി, ഞാൻ ചെറുതായി ഒന്നു ലൈക് അടിച്ചതാണ് സിമ്പൽ മാറി പോയി

" ആരാ ? എന്താ ഈ ചുറ്റമ്പലത്തിൽ കാര്യം ? "
"ഒരു വഴി പോക്കാനാണേ പൊറുക്കണം :)

"ഗ്രൂപ്പ് നിയമങ്ങൾ ഒന്നും അറിയില്യാന്നുണ്ടോ ആൾക്ക് ?

"  തുടരണമെങ്കിൽ ഫോട്ടൊ ഇട്ടങ്ങട്ട് സ്വയം പരിചയപ്പെടുത്തുക , ആണ്ടിനോ സംക്രാന്ത്രിക്കോ അങ്ങട് കയറി വരും ന്നിട്ട് പൊട്ടൻ കളിക്കും ?

"പൊറുക്കണം അഡ്മിനം ബ്രാ , ഒന്നും അറിഞില്ല , ഒരു വഴി പോക്കനായതോണ്ട് പരിചയപ്പെടുത്താൻ പറ്റിയ ഫോട്ടൊ ഒന്നും കയ്യിലില്ല , ഞാൻ താണു വണങ്ങി പറഞ്ഞു ,

"തൽക്കാലം ഇയാൾ പടിക്ക് പുറത്ത് നിക്ക് "  " മൂത്ത അഡ്മിനമ്പ്രാനേക്കാൾ മൂത്ത ഇളയ അഡ്മിൻ കൽപ്പിച്ചു ,

ഇറങ്ങി വരുമ്പോൾ പടിപ്പുരയിലൊരാൾ നിൽക്കുന്നു

എന്തായി പ്പം , ഉണ്ടായെ , ?
"കപ്പിൾ ചലഞ്ച് മൽസരത്തിനിട്ട
ഒരുത്തൻ്റെ പോസ്റ്റിൽ അറിയാതെ ആദരാഞ്ജലി സ്റ്റിക്കർ വീണു  പോയി "

" എന്നാലും ഇത് വല്ലാത്ത ചതിയായി പോയി "  ,. ഞാൻ ഒന്നു സെൻ്റിയായി ,

അതല്ലടേ ,, രണ്ട് മൂന്ന് ദിവസം ഗ്രൂപ്പിലുള്ള അനുസ്മരണ മൽസരത്തിൽ ഇട്ടതാ നെറ്റ് വർക്ക് ഇല്ലാത്തതിനാൽ കറങ്ങി തിരിഞ്ഞ് കല്യാണ ഫോട്ടോയുടെ   അടിയിലായി പോയി .അത് വീണത് , പുല്ല് ടവറിനെതിരെ സമരം ചെയ്യ ണ്ടായിരുന്നു :)

ഞാൻ ഇറങ്ങി ഓടിക്കേറിയത് അതിലും വലിയൊരു മാളത്തിലായിരുന്നു ,

വളരെ ഗൗരവമായ വിഷയമാണ് , ചർച്ചാ  വിഷയം പ്രവാസികൾ ,ഹാവൂ നമ്മുടെ ഫീൽഡാണ് കൂടിക്കളയാം ,

" പ്രവാസികളെ നിങ്ങകിപ്പം വേണ്ട ,"

" വേണ്ടാ എന്നിപ്പം ആരോ പറഞ്ഞോ ?

" ഇപ്പോൾ വേണ്ട , നിങ്ങളാണ് കൊറൊണ പരത്തുന്നത് "

"ഞങ്ങളെ പറ്റില്ല  ഞങ്ങടെ ക്യാഷ് പറ്റുമോ ?

" എന്തായാലും നിങ്ങൾ ഇപ്പോൾ തിരികെ വരരുത് , "

" വന്നാൽ ?
" കൊറോണ കുടും ,
" വരും "
" വരണ്ട ,"
" വരണ്ടണം "

തർക്കം മൂത്തപ്പോൾ അഡ്മിൻ ഇടപെട്ടു .,

" ശൈലൻസ് സ് സ് സ് സ്
ഞാൻ പറയാം തീരുമാനം , അഥവാ നിങ്ങൾ തിരികെ വന്നാൽ , വരുമ്പോ
ലഗേജ് ഒന്നും കൊണ്ട് വരരുത് ? "

" ങ്ങേ അതെന്താ കാര്യം ," ?
" നിങ്ങൾ കൊണ്ട് വരണ പെട്ടിയിലാണ് കൊറൊണ ആരും കാണാതെ ഒളിച്ചിരിക്കണത് "
"  അത് കൊണ്ട് നിങ്ങൾ  വന്നോളൂ പക്ഷേ പെട്ടി വേണ്ട ? ഇനി അഥവാ ആരേലും കൊണ്ട് വരാണേൽ ആള് വീട്ടിൽ പോവട്ടെ  പെട്ടി ക്വാറൻ്റയിനിൽ നിൽക്കട്ടെ :)

ഇതിലും നല്ലത് കൊറൊണ വന്നു ചാവുന്നതാ , തൽക്കാലം നാട്ടിലേക്കില്ല ,

എല്ലാ മനഃസമാധാനവും പോയി , ഇനിയിപ്പം അവളോട് ഇതൊക്കെ സങ്കടം പറയാം ,

" ഹായ് "
"കുറെ നേരായല്ലോ പച്ച വെളിച്ചം കത്തിച്ച് നിക്കണത് , മൈൻഡ് ചെയ്യണ്ട "
മൂഡ് ശരിയല്ല എന്ന് തോന്നുന്നു ,
ഞാൻ ഉണ്ടായതൊക്കെ പറഞ്ഞു , തെളിവിന് സ്ക്രിൻ ഷോട്ടും കൊടുത്തു ,

സമാധാനത്തിൻ്റെ വെള്ളക്കൊടി കാണിച്ചു ,
പ്രണയത്തിൻ്റെ ഇമോജി വന്നു , ലോകത്തിൻ്റെ മനസമാധാനക്കേട് മുഴുവൻ അനാവശ്യ ഫേക്കുകൾ ആണന്ന് മനസ്സിലായില്ലേ ? ഉള്ള സമയം എൻ്റെ കൂടെ നിക്കാതെ കറങ്ങിയിട്ട് വല്ല കാര്യവുമുണ്ടായോ ,

''.നീ ഉറങ്ങിക്കോ , സമയം കുറെ ആയില്ലേ ? മക്കളൊക്കെ കിടന്നോ

അത് സാരമില്ല , നമുക്ക് കഥ പറത്തിരിക്കാം " പോവല്ലെ , ശുഭം
Faisal Babu  ( ഫൈസൽ ബാബു )